و أنا أقلب قنوات التليفزيون المصري اللذي لا أحب مشاهدته عادة ً حيث لا يعبر عن رأي الشارع أبداً رافعاً شعار " كله تمام يا ريس " اللهم الا بعد البرامج الانسانيه يقدمها الإعلامي "محمود سعد"
في برنامج "حالة حوار" طالعنا (اللي بيقولوا عليه وزير خارجية بس مش عارف وزير خارجية انهي بلد !) ببعض التصريحات بخصوص ما حدث بعد مباراة مصر و الجزائر
و بكل قوة في الرد قال : " من يشكك في عمل الخارجية و السفارة المصرية في السودان هو واهم " ... " نحن كنا على علم بكل ما سيقع في السودان بعد المباراة " !! ( صلاة النبي أحسن )
(طب و يا ترى عملت ايه يا عم الكتكوت ؟؟ ) " قال لقد اقترحت ثلاث اقتراحات الأول أن تلعب المباراة بغير جمهور و نال هذا الاقتراح رضا و تشجيع رئيس وزراء مصر أحمد نظيف و لكن رئيس الوزراء الجزائري رفض !!!! " ( طبعاً إنسوا كل الكلام الفارغ عن هيبة مصر و تأثيرها و الكلام ده !)
" الإقتراح الثاني كان الا يذهب اي جمهور مصري الى المباراه و لكن كان الخوف من غضب الجماهير المصرية من منعها من السفر !!! " ( و كأن الناس النواعم اللي راحوا الماتش لو كنت قلتلهم هتروحوا تلاقوا ناس مستنيينكم بسكاكين عشان يقتلوكوا هايزعلوا و يحدفوكوا بالكريم شانتيه رافعين شعار هارمي نفسي على البلاط عشان يروحوا !!! )
"الإقتراح الثالث كان ارسال قوات خاصة في زي مدنيين لحماية المصريين هناك " ( تعالوا نشوف بقى التبرير المسخرة ) " و لكن كان الخوف من اكتشاف الفيفا لتدخل الدولة فيتم وقف مصر 10 سنوات عن المحافل الدولية !!!"
و أردف قائلاً "و لو كنا ارسلناهم لحصل قتلى بين الجزائريين و بين المصريين لأن جنودنا مش بتهوش "
جميله أوي الاقتراحات دي
بس في سؤال يطرح نفسه ... لما الاقتراحات دي ما نفعتش كلها ... قلتوا نودي الناس و اللي يحصل يحصل من غير حتى ما تفهموهم ؟؟؟؟!!!!
بجد مش فاهم و جه في بالي عبد الفتاح القصري و هو بيزق نورماندي 2 و بيقولها ...
سيري على بركة الله !!!!
ليست هناك تعليقات:
إرسال تعليق